ભરૂચ જિલ્લાના બે આદિવાસી તાલુકા દીપડાઓના અઘોષિત અભિયારણ બની ગયા હોય તેવો માહોલ અને વાયરલ થતા રહેતા વિડીયો સમયાંતરે સામે આવી રહયા હોય જેનાથી ફલિત થઈ રહ્યું છે.
વાલિયા માર્ગ ઉપર રસ્તાને અડીને જ બિન્દાસ્ત બેઠેલા દીપડાનો વિડીયો સામે આવ્યો છે. વાલિયા ગામના આશાપુરા ટ્રેડર્સ બાદ વાલિયા-તુણા ગામને જોડતા માર્ગ ઉપર બપોરના સમયે દિપડો બેઠો હોવાનો વિડીયો કાર ચાલકે મોબાઈલમાં કેદ કર્યો હતો.
મળતી માહિતી મુજબ ભરૂચ વાલિયાથી તુણા ગામને જોડતા અંતરિયાળ માર્ગ પર દીપડો નજરે ચઢ્યો હતો. ભર બપોરે દીપડો માર્ગની બાજુમાં બેઠો હતો. દીપડાને કાર ચાલકે મોબાઈલ કેમેરામાં કેદ કર્યો હતો. જે વિડીયો સામે આવતા જ લોકો ભયભીત બન્યા છે. ગામના ખેડૂતોએ પણ સીમમાં પાંચ જેટલા દીપડાઓ પરિવાર સાથે ફરતા હોવાનો શૂર મીલાવ્યો હતો. ત્યારે વન વિભાગ દ્વારા તાત્કાલિક ગામની સીમમાં મારણ સાથે પાંજરું મુકવામાં આવે તેવી ખેડૂતોએ માંગ કરી છે.