સોશિયલ મીડિયામાં વિડીયો વાયરલ થતા લોકો પણ આશ્ચર્યચક્તિ થયા
અત્યાર સુધી આપણે મોટાભાગે શિંગડાવાળા પ્રાણીઓ જોયા છે. જેમાં કોઈને એક તો કોઈને બે શિંગડા હોય છે. પરંતુ શું તમે શિંગડાવાળા સાપ જેવા દેખાતા જીવ વિશે સાંભળ્યું છે કે જોયું છે ? તમને થતું હશે કે સાપ જેવું અને તે પણ શિંગડાવાળું. જો કે,આજના કળિયુગમાં આ પણ શક્ય છે. તે દર્શાવતો એક વિડીયો સામે આવ્યો છે. જેમાં અલગ જ કલરનું શિંગડાવાળું એકદમ સાપ જેવું દેખાતું જીવ જોવા મળ્યું છે.
વાર્તાઓ અને ટીવી સિરીયલમાં પણ માત્ર આપણે શિગંડાવાળા પ્રાણીઓ વિશે કે જેઓ ચાર પગે ચાલે તેમના વિશે સાંભળ્યું હશે. જમીન પર સરિસૃપ રીતે માથાના ભાગે શિંગળા જેવું દેખાય તેના વિશે સૌ કોઈ સાવ અજાણ છે. ત્યારે આ એક અલગ જ પ્રકારનો જીવ જોઈ તમને પણ નવાઈ લાગશે.
સોશિયલ મીડિયામાં એક વિચિત્ર સરિસૃપનો વિડીયો ખૂબ વાયરલ થઈ રહ્યો છે. જેને જોઈને સૌ કોઈ વિચારમાં પડી ગયા છે. આ વિડીયોને જોતા તમને પણ એક નજરમાં આ સાપ જ લાગશે. પ્રાપ્ત વિગતો અનુસાર, આ વિડીયો સુરેન્દ્રનગરનાં વડીયા ગામનો હોવાનું જાણવા મળી રહ્યું છે.
ગામની સીમમાં આ વિચિત્ર સરિસૃપ જોવા મળ્યો છે. જેને ઉપર સફેદ અને કાળા કલરનાં પટા અને તેનાં માથે શિંગડાં જેવું કંઈક જોવા મળતાં કુતુહલ સાથે આશ્ચર્ય જોવાં મળ્યું. ખેતરમાં નીકળેલા આ જીવને જોઈ એક શખ્સે તેનો વિડીયો બનાવી સોશિયલ મીડિયામાં વાયરલ કર્યો છે. વીડિયોમાં વિચિત્ર પ્રકારના સરિસૃપ જોવા મળી રહ્યો છે.
