ભાવનગર શહેરમાં આવેલા રવેચી માતાના મંદિરની બાજુમાં આવેલા તળાવમાં હાલમાં શિયાળો શરુ થતાની સાથે જ વિદેશી પક્ષીઓ ઉતરી આવે છે.
જેથી સવારના પહેલા કિરણમાં વિદેશી પક્ષીઓ સાથે નું તળાવનું નયનરમ્ય દ્રશ્ય જોવા માટે હવે લોકો સવારના વહેલા ઉઠીને તળાવ કિનારે ચાલવા આવે છે અને મન મોહી લે તેવા દ્રશ્યને જોઇને પોતાની જાતને ધન્ય ગણે છે.
શિયાળો શરુ થતાની સાથે વિદેશી બતકો અહિયાં આવી પહોચતા ભાવનગર અને તેની આજુબાજુના વિસ્તારોમાં રવેલી તળાવને લોકોમાં હવે બતક (ડક) તળાવ તરીકે પ્રક્યાત થતા લોકો વહેલી સવારે અહીયાની મુલાકાત અચૂક લેવાનું ચુકતા નથી.
હવે તો ભાવનગરના સ્થાનિકો અને આજુબાજુના વિસ્તારોના લોકો પણ તળાવની આજુબાજુ ગંદકી કરતા નથી અને પોતાની રીતે સ્વચ્છતાના પાઠ પ્રવાસીઓને શીખવાડે છે.
