બોલિવૂડ એક્ટર આમિર ખાન પોતાના પરિવાર સાથે ગુજરાતની મુલાકાતે આવ્યા છે, ત્યારે આજે વહેલી સવારે છ કલાકે પરિવાર સાથે સાસણમાં સિંહ દર્શન માટે પહોંચ્યા હતા.બૉલિવૂડના ખ્યાતનામ અભિનેતા આમિર ખાન સાસણની મુલાકાતે આવ્યા છે, ત્યારે આજે વહેલી સવારે છ કલાકે તેમના પરિવારના સભ્યો સાથે જીપ્સીમાં સવારી કરીને સિંહ દર્શન માટે રવાના થયા હતા.
આ સમયે મોટી સંખ્યામાં સુરક્ષા દળો પણ જોવા મળ્યા હતા.અમિર ખાન આજે સિંહ દર્શન માટે તેના પુરા પરિવાર સાથે સાસણ પહોંચ્યા હતા. વહેલી સવારે 6 કલાકે આમિર ખાનનો કાફલો સાસણ સિંહ સદન ખાતે આવી પહોંચ્યો હતો. જ્યાં તેઓ જીપ્સીમાં સવાર થઈને જંગલના રાજા સિંહને જોવા માટે નીકળ્યા હતા.
આ સમયે સાસણ વનવિભાગના અધિકારીઓ પણ વહેલી સવારે ખ્યાતનામ કલાકારને વેલકમ કરવા માટે સિંહ સદન હાજર રહ્યા હતા. આમિર ખાનની પહેલી સાસણ સિંહ દર્શન યાત્રા છે. જેને લઇને આસપાસના લોકોમાં પણ ભારે ઉત્સાહ જોવા મળી રહ્યો હતો.
