શિયાળાની શરૂઆતની સાથે જ વિદેશી પક્ષીઓ માઈલોનું અંતર કાપીને ગુજરાતના મહેમાન બની આતિથ્ય માણે છે. ગુજરાતના મોટા ભાગના સરોવરોમાં વિદેશી પક્ષીઓ શિયાળામાં વેકેશન માણવા માટે આવી પહોચે છે. હર વર્ષની જેમ આ વર્ષે પણ હજારોની સંખ્યામાં વિદેશી પક્ષીઓ ગુજરાતની ધરતી પર આવી પહોચ્યા છે. ગુજરાતના સોમનાથના દરિયા કિનારે તેમજ કોડિનાર અને દિવના દરિયા કિનારાની આસપાસ વિદેશી પક્ષીઓ વેકેશન ગાળી રહ્યા છે.
વિદેશી પક્ષીઓ જ્યા તેનુ મુળ વતન છે ત્યાં વધારે પડતી ઠંડીને કારણે ઓછી ઠંડી વાળી અને પૂરતો ખોરાક મળે તેવી જગ્યા પર આવી પહોચ્તા હોય છે. અને વિદેશી પક્ષીઓ માટે ગુજરાત એક પસંદીદા જગ્યા છે. માઈલોનું અંતર કાપી વિદેશી પક્ષીઓ ગુજરાતના સરોવર ખાતે અને દરિયા કિનારે વેકેશન ગાળવાનું વધુ પસંદ કરે છે.
રાજયના નળસરોવર, વઢવાણા સરોવર અને પોંરબંદરના સરોવરોમાં અસંખ્ય પક્ષીઓ આવે છે. તેવી જ રીતે લીંબાસી વિસ્તારમાં આવેલ નાના મોટા તળાવોમાં અંદાજે ત્રણસોથી વધારે પ્રજાતિના સ્થાનીક અને વિદેશી પક્ષીઓનો જમાવડો દર વર્ષની જેમ આ વર્ષે પણ થયો છે. તેમા ખાસ કરી ને સાઇબેરીયા,ઓસ્ટ્રેલીયા અને ઉત્તરભારતના પક્ષીઓ મોટી સંખ્યામાં આવતા હોય છે.
દર વર્ષે અંદાજે સાત થી આઠ હજાર માઇલ નુ અંતર કાપીને આપવતા ઓસ્ટ્રેલીયન અને સાઇબેરીયન પક્ષીઓ પોતાના વિસ્તારમાં પૂક્શળ પ્રમાણમાં બરફ હિમવર્ષાને કારણે ત્યાં ખોરાક મેળવવામાં ખુબ મુશ્કેલી પડતી હોય છે. ત્યારે આ વિદેશી પક્ષીઓ ખોરાક અને પ્રજન્નની ઋતુ દરમિયાન ગુજરાતને વધુ પસંદ કરે છે. ગુજરાતનું હવામાન અને પક્ષીઓને જરૂરીયાતો મુજબનો ખોરાક સહેલાઇથી મળી રહે છે.
